Күлүмнүүр уонна народнай библиотека
Ыам ыйын 18 күнүгэр Саха сирин уһулуччулаах общественнай, политическэй диэйэтэлэ, краевед-учуонай, суруйааччы, публицист, Сахалар сойуустарын салайааччыта, Саха Сиригэр земствоны киллэрии көҕүлээччитэ уонна тэрийээччитэ В.В. Никифоров - Күлүмнүүр төрөөбүт күнэ.
Бу бэлиэ күн чэрчитинэн орто оскуола 7 кылааһын үөрэнээччилэригэр "Күлүмнүүр уонна народнай библиотека" диэн библиотечнай уруок ыытылынна. Бастаан оҕолорго "Күлүмнүүр, эн аатыҥ мэлдьи күлүмнүүр" диэн кинигэ быыстапкатын билиһиннэрдибит. Кини олоҕун, үлэтин уонна дьиэ кэргэнин туһунан киэҥник сырдаттыбыт. Күлүмнүүр Баатаҕайы кытары туох ситимнээҕин кэпсээтибит, ырытыстыбыт. Ол кэннэ народнай библиотеканы арыйбытын, онно кимнээх көмөлөспүттэрин, өйөөбүттэрин, оччотооҕуга төһө ахсааннаах ааҕааччы сылдьарын, ордук кимнээх кинигэлэрин, айымньыларын ааҕалларын билистибит. Тута ыйытыктарга оҕолор олус көхтөөхтүк кытыннылар.
