Үс ыаллыы сытар нэһилиэктэр Комсомол күнүн бэлиэтээтибит
Сэтинньи 30 күнүгэр аалай уоттаах сулустаах 🚩Комсомол🚩 күнүн, кини ыстаал кэккэтигэр хатарыллан-уһаарыллан тахсыбыт ыаллыы сытар үс нэһилиэк Баатаҕай, Тумул уонна Нам улууһун II Хомустаах комсомолецтара кыттыылаах 🌟"Эн, Комсомол - мин дьолум"🌟тэрээһиҥҥэ II Хомустаах сиригэр-уотугар ыалдьыттаан кэллилэр.
Оччотооҕу комсомолецтар оҥостон-симэнэн, бэлэмнэнэн араас түһүмэхтэрдээх күрэхтэргэ күөн көрүстүлэр. Тэрээһин иннинэ кжлбит ыалдьыттар Комсомол туһунан монтаж аахтылар, бу хамсааһыны сырдаттылар. Комсомол историятыттан уонна СӨ государственноһын туһунан өркөн өйгө, дартска, кронхолга уонна эстафетаҕа күрэхтэстилэр.
🚩Биһиги нэһилиэктэн викторинаҕа Готовцева НВ, Дмитриева СС, Бурнашева УИ, Готовцева ОА, Бурнашев НН кытыннылар. Илин-кэлин түсүһүү кэннэ 1 м. Тумуллар, 2 м. Баатаҕайдар, 3 м. II Хомустаахтар тигистилэр.
🚩Дартс күрэҕэр хамаандалартан биирдии эр киһи уонна дьахтар: биһигиттэн Портнягин ВМ, Алексеева ВА кытыннылар. Дьахталларга Алексеева ВА кыайыылаах аатын ылла.
🚩Кронхол күрэҕэр Бурнашев НН, Сивцева ВД кыттан хамаанданан кыайыылаах буоллулар. Ол иһигэр, эр дьоҥҥо Бурнашев НН бастаата.
🚩Бэрт эриирдээх, сытыы киирсиилээх эстафета түһүмэҕэр хамаандалартан 3 эр киһи, 3 дьахтар: Готовцев АЯ, Бурнашев НН, Портнягин ВМ, Бурнашева УИ, Готовцева ОА, Алексеева ВА кытыннылар. Мээчиги биэдэрэҕэ киллэриигэ, мээчигинэн бутылкалаах ууну суулларыыга, тоһоҕону саайыыга уонна паранан сүүрүүгэ киирсэннэр II Хомустаахтар 1 м., Баатаҕайдар 2 м., Тумуллар 3 м. ылары ситистилэр. Уопсай түмүккэ II Хомустаах - 1 м., Баатаҕай - 2 м., Тумул - 3 м. буоллулар.
Комсомолецтарга кэлэн ыалдьыттаабыттарыгар, сэргэхсиппиттэригэр нэһилиэк баһылыгын солбуйааччы Никонов СС махтанна уонна нэһилиэк библиотекаларыгар II Хомустаах кинигэтин бэлэх уунна.
Күрэх кэннэ маассабай оонньуулар, нэһилиэк музейыгар экскурсия, Кыайыы болуоссатыгар свеча памяти тэрилиннэ.
Уруккулуу күргүөм ырыалаах, оччотооҕу эдэр саас тыынын кылгас да кэмҥэ төнүннэрбит тэрээһинтэн астынан, дуоһуйан кэллибит. Тэрээһиҥҥэ барарбытыгар бэлэмнээбит дьоммутугар Белолюбская АИ, кулууп методиһыгар Лугинова ЛС, сыыдам сырыылаах суоппарбытыгар Готовцев ИФ, айаммытыгар көмөлөспүт олохтоох дьаһалтаҕа махталбытын тиэрдэбит.
