Чуораанчыктыын доҕордос
Бүгүн 1-2 кылаас үөрэнээччилэригэр "Чуораанчыктыын доҕордос" диэн библиотечнай уруок ыытылынна. Маҥнайгынан, библиотекарь Августина Петровна кинигэни уларсарга, харыстыырга, библиотекаҕа хайдах сылдьыыга быраабылалары билиһиннэрдэ. Кэлбит хас биирдии үөрэнээччини ааҕааччы быһыытынан сүрэхтээтэ, ону туоһулуур дипломнары туттартаата.
Оҕо аймахха аналлаах сэргэх "Чуораанчык" сурунаал тула кэпсэтии ыытылынна, хас биирдиилэригэр сурунаал бэлэхтээтэ. Сурунаал билигин олус кыраһыабай, аралдьытар, умсугутар ис тутуллаах.
Түмүккэ, сурунаалга анал сыһыарыынан киирбит кырааскалааһыҥҥа сорудах ылан уруһуйдаатылар. Тэттик остуоруйалары иһиттилэр.
