Тыа хаһаайыстыбатын форума ыытылынна
Ахсынньы 19 күнүгэр улууспут тыатын хаһаайыстыбатын үлэһиттэрин бастакы форума ыытылынна. Бу сонун тэрээһиҥҥэ тыа сирин уйгутун дэлэтээччилэр муһуннулар. Форум икки былаһаакканан тэрилиннэ. Бастакыга ынах сүөһүнү, сылгыны иитээччилэр, иккискэ сир уустара мустаннар санаа атастастылар.
Форумҥа кыттыбыт улууспут нэһилиэктэрэ тыа хаһаайыстыбатыгар үлэни-хамнаһы быыстапкалаан көрдөрдүлэр. Онуоха, биһиги нэһилиэктэн "Биэттэ-Агро" ХЭТ бурдугуттан оҥоһуллубут бородууксуйалары, нэһилиэккэ урукку-билиҥҥи сылларга тыа хаһаайыстыбатыгар үлэлээбит, үлэлиир дьон хаартыскаларынан быыстапкалара турда. Маны барытын иилээн-саҕалаан түмтэ тыа хаһаайыстыбатын специалиһа Ж.И.Копырина.
