Библионочь - 2026
Муус устар 18 күнүгэр Бүтүн Россиятааҕы Библионочь - 2026 дойдубут үрдүнэн араас хабааннаахтык ыытылынна. Быйылгы тэрээһин Россия норуоттарын сомоҕолоһууларын сылын чэрчитинэн тэрилиннэ. Баатаҕай нэһилиэгэр бу тэрээһини олохтоох библиотекаҕа уонна оскуолаҕа ыыттыбыт. Оскуола алын кылаас оҕолоругар "Россия норуоттарын остуоруйаларынан айан" квиз оонньуу ыытылынна. Икки хамаандаҕа арахсан норуоттар сүрүн атрибуттарын, таабырыннары таайыыга, остуоруйалар геройдарын, сөптөөх эппиэттэри булууга, бутуурдаах боппуруостары бэрээдэктээһиҥҥэ күөн көрүстүлэр.
Библиотека иһинэн үлэлиир "Эйгэ" түмсүү далбар хотуттара мотуок саптан шляпа оҥоруутугар маастар кылаас тэрийдилэр. Маны таһынан, библиотека сайтыгар кэтэхтэн олорон толорууга "Сказки народов России" этноквиз ыытылынна. Этноквизка барыта 16 киһи кытынна.
