 |
|
 |
 |
 |
 |
Улуу Кыайыы өрөгөйдөөх 77 сылын көрсө ыам ыйын 8 күнүгэр, Кыайыы болуоссатыгар Баатаҕайдааҕы "Сырдык Аартык" ыччат түмсүүтэ тэрийэн ыытар кэриэстэбил төлөнүгэр муһуннубут. Бу аахсыйа дойду үрдүнэн үтүө үгэскэ кубулуйан, Аҕа дойду сэриитигэр олохторун толук уурбут хорсун саллааттар, кыайыыны уһансыбыт тыыл дьонун ааттарыгар сүгүрүйэн, махтанан ыытыллар.
Өрөгөйдөөх Улуу Кыайыы 77 сылын көрсө тургутукка кыттыҥ!
Тургутук түмүгэр туоһу сурук ыларгын умнума. Ситиһиилэри баҕарабыт.
9 Маай - Өрөгөйдөөх Улуу Кыайыы күнэ, эйэлээх олоҕу туруулаһан, кырыыстаах өстөөҕү кыдыйан, дьоруойдуу хорсуннук кыайбыт буойуннарга, кыа хааннаах кыргыстан хаалбакка кыайыыны үлэнэн уһансыбыт тыыл бэтэрээннэригэр, билигин тыыннаахтар - дьоллоох кэм кэрэһиттэрэ, өрөгөй үөрүүтүн көрсөр, сүдү дьоммут Албан ааттарыгар сүгүрүйэр улуу күммүт. Быйыл Улуу Кыайыы өрөгөйдөөх 77 сылын көрсө, М. К. Федорова аатынан Баатаҕайдааҕы библиотека бэлэмнээбит матырыйаалларын көрөргүтүгэр, туһанаргытыгар ыҥырабыт!
М. К. Федорова аатынан Баатаҕайдааҕы олохтоох библиотека Улуу Кыайыы өрөгөйдөөх 77 сылын көрсө саха суруйааччыларын кыайыыга аналлаах хоһооннорун билиһиннэрэр. Ааҕыҥ, сэргээҥ, тускутугар туһаныҥ!