Николай Тарскайга анаммыт кылаас чаастара, библиотечнай уруоктар.
Николай Тарскай үбүлүөйдээх 100 сылынан улууспут нэһилиэктэригэр, оскуолаларыгар араас хабааннаах кылаас чаастара, библиотечнай уруоктар тэрилиннилэр. Манна сүҥкэн үлэни ыыттылар үөрэх управлениета, оскуола коллективтара уонна нэһилиэк библиотекалара.
Библиотекарьдар Николай Тарскай олоҕун, үлэтин билиһиннэрэр дириҥ ис хоһоонноох быыстапкалары, иһитиннэриилэри оҥордулар. Баатаҕай нэһилиэгэр уһуйаан иитиллээччилэригэр ыам ыйын 7 күнүгэр бэрт ураты, дириҥ суолталаах бэсиэдэ ыытылынна. Олохтоох библиотекаҕа Н. Тарскай үолоҕун, үлэтин билиһиннэрэр быыстапканы сэргии иһиттилэр. Кырачаан дьон бүтэн биэрбэт боппуруостарынан, тутан-хабан, ардыгар үтүктэн сэргэх түгэни бэлэхтээтилэр.
Орто оскуолаҕа "Дьоһуннааҕы кэпсэтии" диэн улуус оскуолаларыгар, салалтатыгар ураты кылаас чааһын тэрийдилэр. Кылаас чааһын оскуола директора Бурнащева А.А., "Спорт албан аата" музей төрүттэччитэ, Н.Н. Тарскай аатын үйэтитиигэ үгүс сыратын уурбут педагогическай үлэ ветерана Румянцева К.И. үөрүүлээхтик астылар. Манна "Сферум" анал сыһыарыынан СӨ Правительствотын председателэ Местников С.В., Ил Түмэн депутата Васильев Г.А., улуус салалталара Н.Н. Тарскай аатын үйэтитиигэ, кини оҥорбут үтүөтүн умнубакка, өйдүү-саныы, ахта сылдьарга туһуланан кыттыыны ыллылар. Быйыл үбүлүөйдээх сылга Н.Н. Тарскай аатынан 5-с төгүлүн ыытыллыбыт научнай-практическай конференция кыайыылаахтара Татаринов Антон, Ядрихинская Аксения чинчийбит үлэлэрин улуус оскуолаларын үөрэнээччилэригэр билиһиннэрдилэр. Бэлиэ түгэн үтүө үгэскэ кубулуйан сылын аайы ыытыларыгар баҕарабыт.
