Эрхан Саввинҥа аналлаах мемориальнай дуоска арылынна
Бүгүн, муус устар 10 күнүгэр анал байыаннай дьайыы кыттыылааҕа, Баатаҕай нэһилиэгин бастыҥ ыччата, маршал Георгий Жуков аатынан мэтээллээх Саввин Эрхан Арианович олорбут дьиэтигэр мемориальнай дуоска арылынна. Тэрээһиҥҥэ нэһилиэк олохтоохтор, оскуола үөрэнээччилэрэ, аймахтара, Тиит Арыыттан нэһиилэк баһылыга, аҕата Арина Николаевич кэлэн кыттыыны ыллылар.
Эрхан бойобуой суолун, кини олорон ааспыт олоҕун туһунан аҕата Саввин А.Н., маҥнайгы учуутала Самсонова М.Н., доҕоро Готовцев Я.Н., кини аатын үйэтитиигэ Баатаҕай уонна Тиит Арыы нэһилиэктэрин баһылыктара ыллыктаах тылларын, баҕа санааларын эттилэр, мемориальнай дуоска иннигэр сибэкки дьөрбөтүн уурдулар. Хорсун буойун аата өрүү ааттана туруохтун!
