Төрөөбүт тыл күнэ уһуйааҥҥа
Олунньу 13 күнүгэр - уhуйааммытыгар төрөөбүт ийэ тыл, сурук-бичик күнэ буолан ааста! Бу күнү Саха Республикатын бастакы Президенэ Михаил Ефимович Николаев дьаһалынан 1996 сыл олунньу 13 күнэ "Төрөөбүт тыл уонна сурук-бичик» күнүнэн ааттаммыта.
"Күнчээн" оҕо уһуйааныгар бүгүҥҥү күнү үөрэ - көтө бэлиэтээтибит. Тэрээһин саҕаланыытыгар уһуйаан иитээччитэ Ядрихинская С.И. оҕолорго бу күн туһунан, сахалыы алпаабыты төрүттээбит С.А. Новгородов олоҕун, үлэтин иитиллээччилэригэр билиһиннэрдэ. Ол кэннэ оҕолор хоһоон күрэҕэр кытыннылар. Ол курдук бэлэмнэнии бөлөх оҕолорун быыстарыгар кыайылааҕынан таҕыста Белолюбскай Антон, улахан бөлөххө-Ядрихинская Айхаана, орто бөлөххө-Босиков Күндүл. Кыайыылаахтарга, кыттыбыттарга сэмэй бириистэр туттарылыннылар, эҕэрдэ тыллар этилиннилэр.
Тыл баар буолан, омук баар. Төрөөбүт тылбытын саха омук киһитэ барыта билиэхтээх. Сахалыы саҥарарбыт, кэпсэтэрбит омук буоларбытын көрдөрөр диэн тэрээһини түмүктээтибит.
