Төрөөбүт тыл, сурук-бичик күнүн бэлиэтээтибит!
Олунньу 13 күнүгэр, Баатаҕай нэһилиэгэр төрөөбүт төрүт тыл,сурук бичик күнүн бэлиэтээтибит📜!
Ийэ тыл күнүн үөрүүлээх аһыллыытыгар Саха тылыгар норуоппут олоҕо, кута-сүрэ, майгыта-сигилитэ, өйө-санаата, иэйиитэ, философията –баар диэн кылгас билиһиннэрии, төрөөбүт тылы билии туох суолталааҕын, бэйэни бэрэбиэркэлэнэн сахалыы табатык, кыраһыабайдык суруйуу, сахалыы остуол, "Хомуур" оонньуулар ыытылыннылар.
Ол кэннэ "Түмэн" норуот айымньытын киинэ уонна олохтоох библиотека кыттыһан тэрийбит түөлбэлэр икки ардыларыгар "Булугас өй күрэһэ" оонньуу тэрилиннэ. Барыта 5 түһүмэхтээх күрэххэ үс түөлбэ күөн көрүстүлэр. Саха этигэн тылыгар, биллииилээх дьонугар, буукубалрынан тыл таһаарыыга, бириэмэҕэ тыллары быһаарыыга уонна хартыынанан сахалыы төрүт ас паараларын булууга илин-кэлин түһүстүлэр. Түмүккэ "Сарыал" түөлбэ кыайыы өрөгөйүн биллэ, 2 м. - "Аргыс" түөлбэ, 3 м. - "Дабаан" түөлбэ буоллулар.
Кыайыылаахтары эҕэрдэлиибит, кыттыбыт дьоммутугар истиҥ махталбытын тиэрдэбит. Бу курдук сэргэхтик төрөөбүт тыл, сурук-бичик күнүн бэлиэтээтибит. Туругурдун төрөөбүт төрүт тылбыт!
