Мин, Сивцев Семен Федорович, 1951 с. ахсынньы 3 күнүгэр Баатаҕай нэһилиэгэр төрөөбүтүм. 1966 с. Баатаҕай аҕыс кылаастаах оскуолатын бүтэрбитим. Ити сыл комсомол чилиэнэ буолабын. Найахы орто оскуолатыгар 10-с кылааһы 1968 с. бүтэрэн баран төрөөбүт дойдубар кэлэн производствоҕа үлэлиибин. 1971 с. Чурапчы Одьулуунугар баянист-хормейстер курсун бүтэрэн баран 1972 с. Баатаҕай сельскэй кулуубугар худругунан үлэбин саҕалыыбын уонна күн бүгүнүгэр диэри бу клубка ардыгар директорынан, худругунан, кэлин сылларга баяниһынан үлэлээн кэллим. Баянистыы сылдьан төрөөбүт нэһилиэкпэр «Биэттэ» отделениятын хонуу биригэдьииринэн, управляющайынан, коллективнай предприятие председателинэн, Баатаҕай с/советын солбуйар председателинэн үлэлээбитим. 1977 сылтан ССКП чилиэнэбин. 1989-92 сс. цехтааҕы партийнай тэрилтэ секретарынан талыллан үлэлээбитим. 1990мс. XXIX районнай партийнай конференция делегатабын. Бу клубка үлэлээбит 27 сылым устатыгар клуб үлэтэ араас сылларга кэккэ ситиһиилэнэ сылдьыбыта. Ол курдук, 1974-75 сс. «За успехи во Всероссийском смотре СДК» диэн Саха АССР культураҕа министерствотын дипломунан, оройуон иһигэр ыытыллар клубтар икки ардыларынааҕы соц.куоталаһыыга 1975 с. – II, 1978 с.- I, 1980, 1981, 1986 сс. — III, 1988, 1989 с. – II м. буолуталаабыппыт. Оройуон иһигэр ыытыллар фестивалларга, драм көрүүтүгэр өрүү миэстэлэһэрбит.
Бэйэм 1971 с. профтехучилищелар республикатааҕы фестивалларыгар лауреат, оройуон иһигэр ыытыллыбыт фестивалларга, драм көрүүтүгэр, кэпсэтии жанрыгар хас да төгүл лауреат, дипломант буолбутум, араас ис хоһоонноох грамоталарынан, сувенирдарынан, сервант, стенка, трельяж фондаларынан наҕараадаламмытым. Эдэр сылдьан спордунан үлүһүйэн дьарыктаммытым. Ол курдук, оройуоннай спартакиадаларга тустуу, хапсаҕай, дуобат, национальнай ыстаныы, ытыы курдук көрүңнэргэ оскуолам, нэһилиэгим, совхоһум чиэһин көмүскээбитим. Тустууга спорт маастарыгар кандидат, остуол тенниһигэр I разряд нуорматын толорбутум. Манна таарыйан аҕыннахха, 5 саастаахпар дуобатынан, саахыматынан олус үлүһүйэн оонньуу сылдьыбытым. Ону истэн Н.Н. Тарскай оччотооҕу республика чемпионун спорт маастарыгар кандидат Михаил Афанасьевы куораттан ыытан оонньото сылдьыбыта.
1973 с. кэргэннэммитим. 4 оҕолоохпун, 5 сиэннээхпин. Иллэң кэммэр уруһуйдуурбун, уһанарбын, бултуурбун сөбүлүүбүн. Бэрт үгүс юбилейдары, сыбаайбалары тамадалаан ыытан кинилэр үөрүүлэрин-көтүүлэрин тэңңэ үллэстибит үөрүүлэрдээхпин.
Билигин сынньалаң киинигэр баянисты-баянистыы үөрэммит оскуолабар күүһүм кыайарынан үлэлии сылдьабын.
С.Ф.Сивцев
10.05.1999 с. Биэттэ сэл.
БИБЛИОГРАФИЯ
Кинигэлэр
- Готовцева Н. В. Дэгиттэр талаан / Н. В. Готовцева. – Дьокуускай: “SAKHATIME”, 2021. – 96 с.
- Ефимов Д.А. Төрөөбүт түөлбэбит Баатаҕай / Д. А. Ефимов. – Дьокуускай: Көмүөл, 2007 – 78 с.
- Ефимов Д. А., Румянцева К. И., Бурцева Р.И. Улахан олох аргыстара / Д.А. Ефимов, К. И. Румянцева, Р. И. Бурцева. – Дьокуускай: РПК “Оригами”, 2010. – 43-174-176 с.
- Жирков И.М. 20-с үйэҕэ Уус Алдан чулуу спортсменнара / И. М. Жирков, И. И. Захаров. – Дьокуускай: Сахаполиграфиздат, 2004. – 35 с.
- Культура Усть-Алданского улуса: история и современность / Л.С. Павлова, М. З. Сивцева, М. Н. Борисова, З. М. Белолюбская. – Борогонцы: Мүрү саһарҕата, 2020. – 153-156 с.
- 6. Румянцева К. И. Ахтар-саныыр үөрэҕим кыһата: [Н. Н. Тарскай аатынан Баатаҕай орто оскуолата] / К. И. Румянцева. – Дьокуускай: Издатель Э.Т. Пономарев, 2020. – 282-283 с.
Периодическай бэчээккэ
- Бар дьонугар мэлдьи сырдыы сылдьыа: [Сивцев Семен Федорович] // Мүрү саһарҕата. – 2006. – Бэс ыйын 10 к. – 8 с.
- Биэстээҕиттэн саахыматчыт // Эдэр коммунист. – 1958. – Алтынньы 28 к.
- Дмитриев В. Остуол тенниһин сайыннарыахха: [“Найахзы” совхоз күрэхтэһиитэ. Кыайыылаах – Биэттэлэр: А. Ядрихинскай, С. Сивцев] / В. Дмитриев // Ленинскэй тэрийээччи. – 1985. – Алтынньы 15 к. – 4 с.
- Макеева М. Дэгиттэр идэлээх / М. Макеева // Ленинскэй тэрийээччи. – 1988. – Ахсынньы 31 к.
- Находкина Г. В. Депутаттар инники күөҥҥэ: [От звеноларыгар – Сивцев В.В., Сивцев С.И., Стрекаловская В.А., Степанов Г.И., Гоголев Н.Е., Сивцев С.Ф.] / Г. Находкина // Ленинскэй тэрийээччи. – 1987. – Атырдьах ыйын 6 к. – 1 с.
- Павлов П. Эрэллэрэ эрэ –чэрдээх илиилэрэ: [Баһылык Сивцев В. В., КП предс. Сивцев С. Ф.] / П. Павлов // Мүрү саһарҕата. – 1994. – Тохсунньу 15 к. 2-3 с.
- Протопопов А. Кыахтаахтарын көрдөрдүлэр: [“Урожай” общество республикатааҕы остуол тенниһин күрэхтэһиитигэр – А. Ядрихинскай, С. Сивцев] / А. Протопопов // Ленинскэй тэрийээччи. – 1985. – Сэтинньи 26 к. – 4 с.
- Сивцев Семен Федорович // Ленинскэй тэрийээччи. – 1989. – Тохсунньу 26 к.
- Чириков А. Остуол тенниһигэр: [Улууска 1м. – А. Ядрихинскай, 2 м. – С. Сивцев] / А. Чириков // Ленинскэй тэрийээччи. – 1985. – Сэтинньи 12 к. – 4 с.
