Баатаҕай нэһилиэгэр доруобуйаларынан хааччахтаах дьон түмсүүтэ 2003 сылтан тэриллэн үлэлиир. Доруобуйаларынан үлэни кыайбат дьоҥҥо улахан болҕомтону ууран, түмсүү тэриллэн, сүрүн үлэлэринэн инбэлиит дьон олохторун сэргэхситии буолар. Ханнык да түгэҥҥэ, кэмҥэ бары биир киһи курдук сылдьан, таһымнаахтык үлэлээн, кинилэр талааннара аһылларыгар, нэһилиэк общественнай олоҕор кытталлара биир сүрүн күүс буолара саарбаҕа суох.
Уһун сыллар усталаах-туоратыгар “Сардаҥа” инбэлииттэр түмсүүлэрэ улууска, республикаҕа тиийэ спортивнай, культурнай күрэхтэргэ ситиһиилээхтик кытталлара элбэҕи этэр. Ол курдук, түмсүү бастыҥ спортсменнарынан буолаллар: Александра Николаевна Алексеева, Александра Николаевна Новгородова, Евдокия Дмитриевна Гоголева, Елизавета Афанасьевна Сивцева, Мария Николаевна Алексеева, Раиса Константиновна Борисова, Егор Егорович Гоголев, Октябрь Захарович Сивцев. Тоһоҕолоон бэлиэтиэҕи баҕарыллар, үгүс сылларга нэһилиэк чиэһин көмүскээбит, билигин биһиги кэккэбитигэр суох спорстменнарбытын: Константин Афанасьевич Бурцевы, Анатолий Иванович Румянцевы уо.д.а.
“Сардаҥа” инбэлииттэр түмсүүлэрин сэмэй ситиһиилэрэ.
2007 с. – улуустааҕы II-с спартакиадаҕа 3 бочуоттаах миэстэ. Эстафетаҕа хамаанданан 1 м.
2008 с. – улуустааҕы ыһыахха сүүрүүгэ 1м. Ногородова А.Н., “Биэттэ-Кэптэни-Хомустаах-Бороҕон-Чараҥ” велопробег кыайыылааҕа Сивцев О.З., илин эҥэр улуустар спартакиадаларыгар саанан ытыыга чемпионка Алексеева А.Н.
2009 с. – улуустааҕы спартакиадаҕа теннискэ Алексеева А.Н. 1 м., саахымакка Бурцев К.А. 2 м., дуобакка Новгородова А.Н. 3 м. Улуустар икки ардыларынааҕы спартакиадаҕа волейболга Алексеева А.Н. 1 м., городки оонньууга Новгородова А.Н. 1 м.
2010 с. улуустар икки ардыларынааҕы спартакиадаҕа Алексеева А.Н., Новгородова А.Н. эстафетаҕа 1 м., саахымакка Бурцев К.А. 3 м. Республикатааҕы спартакиадаҕа чэпчэки атлетикаҕа Карпов И.И. 3 м., саахымакка Бурцев К.А. 3 м., сытан эрэ штанганы анньыыга Алексеева А.Н. 2 м.
2011 с. улуустааҕы спартакиадаҕа теннискэ Алексеева А.Н. 1 м. Улуустар икки ардыларынааҕы спартакиадаҕа Алексеева А.Н. волейболга – 1 м., городки оонньууга – 1 м., Новгородова А.Н. чэпчэки атлетикаҕа — 2 м., хайыһарга – 2 м., Алексеева М.Н. чэпчэки атлетикаҕа – 1 м.
2012 с. улуустааҕы спартакиадаҕа хамаанданан 2 м., Алексеева А.Н. ытыыга – 2 м., теннискэ – 1 м., Копырин Н.В. саахымакка – 3 м. Улуустар икки ардыларынааҕы спартакиадаҕа Новгородова А.Н. чэпчэки атлетикаҕа – 1 м., Алексеева М.Н., Новгородова А.Н. – 2 м.
2013 с. улуустар икки аржыларынааҕы спартакиадаҕа Алексеева А.Н. волейболга – 1 м. Волейбол республикатааҕы турнирыгар Алексеева А.Н. 1 м.
