«Норуот элбэх — дойду биир» диэн бэргэн этиинэн, Сомоҕолоһуу күнүн чэрчитинэн, норуоттар икки ардыларынааҕы «Улахан этнографическай диктант» быйыл ахсыс төгүлүн сэтинньи 3-8 күннэригэр дойдубутугар олорор норуоттар тустарынан сырдатар сыаллаах ыытылынна. Быйыл дьыктааҥҥа Арассыыйа 85 эрэгийиэниттэн, итиэннэ 45 тас дойдуттан кыттыыны ыллылар.
Биһиги нэһилиэккэ уопсайа 8 киһи Россия норуоттарын култуураларын, үгэстэрин, олохторун-дьаһахтарын төһө билэллэрин бэрэбиэркэлээн улахан дьон 30, оскуола оҕолоро 20 ыйытыкка билиилэрин тургуттулар, кыттыбыттарын туоһулуур туоһу суруктар туттарылыннылар.
Мэлдьи маннык ис хоһоонноох аахсыйаларга кыттар, билиигэ-көрүүгэ тардыһар, интэриэстэрин хаҥатар көхтөөх ааҕаачыларбытыгар махталбытын тиэрдэбит.
Дьыктаан эппиэттэрин библиотекаттан эбэтэр сэтинньи 13 күнүгэр диэри https://miretno.ru сайка билсиэххитин сөп.
