Быйыл 10 төгүлүн ыытыллар өрөспүүбүлүкэтээҕи «Сахалыы дьыктаан» аахсыйаҕа Баатаҕай нэһилиэгэ көхтөөхтүк кытынна. «Сахалыы дьыктаан» акция сыала-соруга саха тылын суолтатын үрдэтии, төрөөбүт тылынан сөпкө саҥарар-суруйар таһымы үрдэтии, сатабылын иҥэрии буолар.
Олунньу 15 күнүгэр орто оскуолаҕа дьыктааны директоры үөрэх чааһыгар солбуйааччы Самсонова Т.К., алын кылаас учуутала Слепцова С.З. иилээн-саҕалаан ыыттылар. Манна барыта 11 үөрэнээччи, 5 учуутал кыттыыны ыллылар. Кинилэргэ анал күҥҥэ дьыктаан түмүгэ тахсыаҕа, иһитиннэрии ыытыллыаҕа.
Онтон олохтоох библиотекаҕа дьыктааны 5 суруйда. Дьыктаан түмүгүнэн «Үчүгэй суруксут”, “Бастыҥ суруксут”, «Бастыҥтан бастыҥ суруксут» диэн анал ааттар туттарылыннылар. Ол быыһыгар, бэҕэһээҥҥи аан дойдутааҕы кинигэ бэлэхтиир күн чэрчитинэн, биһиги ааҕааччыбыт Готовцева С.Д. Агата Кристи үс кинигэтин бэлэх уунна, бүгүҥҥү тэрээһини киэргэттэ. Дьыктаан суруйбуттарга «Сурук-бичик аартыгынан айан» диэн кылгас күрэх ыытылынна. Күрэх 4 түһүмэхтээх: эргэрбит тыллары таайыы, өс хоһоонун ситэрии, Ноҕуруодап алпаабытынан бэриллибит хоһоону суруйуу уонна кини туһунан боппуорастарга эппиэт ыытылынна. Кыайыылааҕынан Готовцева С.Д. таҕыста.
Бүгүҥҥү күҥҥэ уөхтөөхтүк кэлэн кыттыбыт дьоммутугар, учууталларбытыгар, үөрэнээччилэрбитигэр махталбытын биллэрэбит, өрүүтүн даҕаны саха тылын үрдүктүк тутан, дойдубут туһугар кэскиллээҕи айа-тута сылдьыаҕын!
