Космонавтика күнэ. Книга - путь к звездам.
Муус устар 12 күнэ- Космонавтика күнэ! 1961 сыллаахха бу күн аан бастакытын куйаарга Юрий Гагарин тахсыбыта. Кини"Восток" хараабылынан, оччолорго биллибэт эйгэҕэ, киэҥ куйаарга 1 чаас 48 мүнүүтэ устата сылдьыбата. Онтон ыла куйаары дириҥэтэн чинчийии, күн бүгүнүгэр диэри ыытыллар. Бу бэлиэ күҥҥэ сыллата Космос туһунан киэҥ эйгэҕэ билиһиннэрэбит. Ордук оҕолорго, ыччакка аналлаах тэрээһиннэр ыытабыт.
Баатаҕайдааҕы "Күнчээн" оҕо уһуйаанын улахан бөлөхтөрө библиотекаҕа киирэн космос, космонавт туһунан билистилэр, историяны сэҥээрэ иһиттилэр, ырыа да ыллаатылар, кинигэлэри көрдүлэр. Киэҥ куйаары, сулустары, планеталары интэриэһиргээн үгүс боппуростарга хоруй ыллылар.
Н. Н. Тарскай аатынан Баатаҕай орто оскуолатын 1 уонна 2 кылааһын үөрэнээччилэригэр "Книга - путь к звездам" библиотечнай уруок ыытылынна. Юрий Гагарин, аан маҥнай космоска көппүт кыыллар тустарынан мультик, видеоматериаллары көрдүлэр. Олохтоох библиотека бэлэмнээбит кылгас тургутугар кытыннылар, билиилэрин хаҥаттылар.
