1974
Саха омуга былыр былыргыттан биир таптаан оонньуур күрэхтэһиитин “Хапсаҕа” көрүҥүн саха омуга барыта билэр. Сахалар тас көрүҥмүтүнэн кыра уҥуохтаах, хатыҥыр дьоммут. Онон хапсаҕай уонна тустуу күрэхтэһиитигэр үксүгэр кыра ыйааһыннарга тустар эбиппит.
Алын кылаастан спортка уһуйулларбар физкультура учууталынан Николаев Николай Адамович үлэлиир этэ. Кини аан бастаан спорт эйгэтигэр көҥүл тустуу көрүҥэр дьарыктаабыт бастакы тренерим буолар. Киниэхэ уһуйуллар сылларбар нэһилиэккэ, улууска миэстэлэһэрим. Оскуолаҕа үөрэнэ сылдьан, 1987 с. 6-с кылааска миигин детскай-юношескай спортивнай оскуолаҕа Бороҕоҥҥо ыҥырбыттара. Онно тута сөбүлэһэн Баатаҕайтан соҕотоҕун киирбитим. Ити сылтан саҕалаан кыралаан тустуунан дьарыктанан испитим. Спортивнай оскуолам директорынан Николай Николаевич Крылов – ССРС спордун маастара үлэлиир этэ. Эрчийэр тренердэринэн эмиэ ССРС спордун маастардара: Сивцев Иван Николаевич уонна Сивцев Степан Петрович үлэлиир этилэр. ДЮСШ-ҕа үөрэнэр, дьарыктанар кэмнэрбэр улууһум, республикам чиэһин араас күрэхтэргэ элбэхтэ көмүскээбитим.
Оскуоланы бүтэрэр сылбар, 1991 с. Тында куоракка Всесоюзнай турнирга 3 м. тиксэммин тустууга спорт маастарыгар кандидат нуорматын толорбутум. Бу улахан ситиһиини тренердэрбит үгүс сыраларыттан таҕыстахтара. Онон үөрэппит-такайбыт учууталларбар, тренердэрбэр улахан махталлаахпын.
Лазарь Егорович 1974 с. Баатаҕай нэһилиэгэр төрөөбүтэ.
1982 с. Баатаҕай орто оскуолатыгар үөрэнэ киирбитэ.
1992 с. Бороҕон орто оскуолатын үөрэнэн бүтэрбитэ.
1992-94 сс. армия кэккэтигэр сулууспалаабыта.
1994-2014 сс. ИДьМ систематыгар үлэлээбитэ.
2005-2011 сс. СХТГА юридическай факультетын кэтэхтэн үөрэнэн юрист идэтин ылбыта.
Кэргэннээх, икки оҕолоох.
