1964
Мин 1964 сыллаахха муус устар 15 күнүгэр Уус — Алдан улууһун Баатаҕай нэһилиэгэр төрөөбүтүм. Орто анал үөрэхтээхпин. Оҕо сааспыттан спордунан дьарыктанан, үөрэммит Баатаҕайым уонна Лөгөйүм орто оскуолаларын чиэһин элбэхтэ көмүскээбитим. Ордук остуол тенниһигэр, баскетбол, волейбол күрэхтэригэр бириистээх миэстэлэргэ тиксэрим. Төрөөбүт нэһилиэкпэр ыанньыксыттыы сылдьан республика биллиилээх теннисистэрин Ядрихинскай А.А., Сивцев С.Ф. кытта оонньоон улууска инники күөҥҥэ сылдьыбыппыт.
Александра Николаевна — художник-оформитель идэлээх. Идэбинэн үлэлээбит сылларбар «Бастыҥ киэргэтии» номинация кыайыылааҕа, “Булт абылаҥа» диэн темалаах уруһуй куонкурсугар Гран-При буолбута. Улууска «Дьээбэрэҥ-2006», «Көрдөөх киистэ» уонна «Бастыц худуоһунньук» номинацнялар кыайыылаахтарабын.
2005 сыллаахха улууска 1-кы дьахталлар спартакиадаларыгар күрэхтэһэ баран иһэн массыынаҕа оһоллонон сиспин тоһуппутум. 2007 сыллаахха 3 группалаах инбэлиит буолбутум. Төһө да инбэлиит буолларбын күүстээх санаабын ыһыктыбакка араас эрчиллиилэри оҥорон, хамсанан таптыыр спортпунан дьарыктанарын саҕалаабытым. Баатаҕайга 2003 сылтан инбэлииттэр түмсүүлэрэ тэриллибитэ, ол сылтан мин спортивнай секторынан үлэлээбитим. 2007 сылтан улуус инбэлииттэрин сүүмэрдэммит хамаандатын чилиэнэбин. Республиканскай, улуснай инбэлииттэр ортолоругар күрэхтэһиилэргэ волейболга, ытыыга, мохсуоҕа, армспортка, теннискэ, саахымакка кыттан элбэх мэтээллэринэн, дипломнарынан, бочуотунай грамоталарынан наҕараадаламмытым. 2005, 2011, 2012 сыллар түмүктэринэн нэһилиэк бастыҥ спортсменката буолбутум. 2012 сылга улуус адаптивнай спордун бастыҥ спортсменкатабын. «Физическай культура уонна спорт сайдыытыгар кылаатым иһин», «За заслуги в развитии ЯРООО ВОН», Олимпийскай резерва, ДЮСШ знактарынан наҕараадаламмытым. 2014 сыллаахха Саха Республикатын спордун ветеранабын.
