1946-2012
Николай Семенович Готовцевы мин Баатаҕайга кэлэн үлэлиэхпиттэн билэбин. Колхоз, совхоз биир тутаах үлэһитэ этэ. Мин кинини чөл олоҕу тутуһааччы, спортка дьону көҕүлээччи, бэйэтэ күрэхтэһэн сэмэй көрдөрүүлэрдээх киһинэн сыаналыыбын. Ол курдук, Коля ыһыахтарга, араас спартакиадаларга күрэхтэһэн ситиһиилэрин араас грамоталар, бириистэр, мэтээллэр туоһулууллар.
Оскуолаҕа үөрэнэр сылларыгар дуобакка, остуол тенниһигэр, сүүрүүгэ, спорт араас көрүҥнэригэр дьарыктаммыт. Эдэр сылдьан спорт биир ыарахан көрүҥүнэн — гиирэнэн, штанганан дьарыктанан оройуон, республика күрэхтэригэр ситиһиилэрдээх.
Нэһилиэк, улуус күрэхтэһиилэригэр, кырдьаҕастар Спартакиадаларыгар хамаандаҕа киирэн элбэхтэ бииргэ күрэхтэспиппит. Хамаанда кыайарын туһугар ким ханнык көрүҥҥэ киирэрин, ким кэнниттэн ким сүүрэрин сүбэлэһэр буоларбыт. Уонна үксүгэр бастыыр, миэстэлэһэр этибит. Кырдьаҕастар спартакиадаларыгар Коля үксүн сыал ытара, сүүрэрэ, дуобакка кыттара.
2003 с. ветераннар 1 спартакиадаларыгар 100 миэтэрэҕэ сүүрэн республика улахан сүүрүктэрин — Бороҕонтон Владимир Слепцову, Курбуһахтан Василий Костромины кыайан, дьонун-сэргэтин соһуппута да, үөрдүбүтэ даҕаны. Хапсаҕайга эмиэ үчүгэйэ. Отделение, нэһилиэк, колхоз, совхоз чиэһин элбэхтэ көмүскээбитэ.
Уолаттара Коля, Дима иккиэн спордунан дьарыктаналлар, сэмэй көрдөрүүлээхтэр. Аҕаларын аатын ааттатыахтара диэн эрэнэбин.
Николай спортка сэмэй ситиһиилэрин, тыа сиригэр чөл олох, физкультура уонна спорт сайдыытыrap кылаатын иһин “Урожай” общество бочуотунай грамотатынан бэлиэтэммитэ уонна “Саха Республикатын физический культураҕa уонна спортка ветерана” диэн бочуоттаах аат иҥэриллибитэ.
Николаев Николай Адамович,
Баатаҕай орто оскуалатын физкультураҕа учуутала, 2015 с.
