Батагайская сельская библиотека - филиал №1 им. М.К. Федоровой

"Төрөөбүт төрүт тылбынан" хоһоон күрэҕэ

Ийэ тыл, сурук-бичик күнүн чэрчитинэн олунньу 21 күнүгэр "Күнчээн" уһуйаан оҕолорун икки ардыларыгар "Төрөөбүт төрүт тылбынан" хоһоон күрэҕэ ыытылынна. Күрэххэ орто, улахан бэлэмнэнии бөлөх оҕолоро кытыннылар. Күрэх сүрүн сыалларынан буоллулар: сахалыы тылынан хоһоону үксэтии, киэҥник тарҕатыы, саха поэттарын айымньыларын үйэтитии, төрөөбүт тылынан саҥарыы таһымын үрдэтии.

Оҕолор саха суруйааччыларын хоһооннорун хомоҕойдук хоһуйан аахтылар. Орто бөлөххө 3 оҕо, улахан бөлөххө 5 оҕо, бэлэмнэнии бөлөххө 5 оҕо күөн көрүстүлэр. Бөлөх аайы бастыҥнар ааттаннылар: орто бөлөххө 1 м. - Дима Березкин, 2 м.- Антон Белолюбскай, 3 м. - Эрхан Сидоров, улахан бөлөххө 1 м. - Айтал Белолюбскай, 2 м. - Арина Готовцева, 3 м. - Баир Самсонов, бэлэмнэнии бөлөххө 1 м. - Мия Горохова, 2 м. - Арчылаан Ядрихинскай, 3 м. - Айгылаана Белолюбская тигистилэр, атыттарга анал ааттар туттарылыннылар. 

Күрэҕи тэрийиигэ көмөлөспүт иитээччигэ Сардаана Ивановна Ядрихинскаяҕа улахан махталбын тиэрдэбин.

Өрөспүбүлүкэтээҕи дьыктааҥҥа кытынныбыт

Быйыл 10 төгүлүн ыытыллар өрөспүүбүлүкэтээҕи "Сахалыы дьыктаан" аахсыйаҕа Баатаҕай нэһилиэгэ көхтөөхтүк кытынна. "Сахалыы дьыктаан" акция сыала-соруга саха тылын суолтатын үрдэтии, төрөөбүт тылынан сөпкө саҥарар-суруйар таһымы үрдэтии, сатабылын иҥэрии буолар.

Подробнее...

"Сахалыы дьыктаан" үбүлүөйдээх сыла

    2014 сылтан төрөөбүт тыл, сурук-бичик күнүн чэрчитинэн ыытыллар "САХАЛЫЫ ДЬЫКТААН" суруйуутугар олуннуь 15 күнүгэр олохтоох библиотекаҕа, күнүс 14:30 ч. ыҥырабыт!

Быйыл бу дьыктаан 10 сылын тэриллэн ыытыллар. 

Кыттааччылар уруучукалаах кэлэргит биһирэнэр.  

"Таптыыр Сахам тылынан..." дьыктааҥҥа кыттаргытыгар ыҥырабыт!

ОЛУННЬУ 13 КҮНЭ - ТӨРӨӨБҮТ ТЫЛ КҮНЭ! Өрөспүүбүлүкэ оскуолаларын алын, орто сүһүөх: 3 – 8 кылаас  үөрэнээччилэригэр, сэттис сылын биир күн ыытыллар өрөспүүбүлүкэтээҕи акцияҕа кыттыһан, Төрөөбүт тыл уонна сурук-бичик күнүгэр «Таптыыр сахам тылынан…» өрөспүүбүлүкэтээҕи дьыктааҥҥа көхтөөхтүк кыттаргытыгар ыҥырабыт!

Подробнее...