Ыам ыйын 9 күнэ биһиги дойдубут хас биирдии олохтооҕор дириҥ өйдөбүллээх. Бу күн биһиги сэрии толоонугар кыргыспыт хорсун сэрииһиттэр, тыылга килбиэннээхтик үлэлээбит аҕа көлүөнэ дьон үтүө ааттарыгар сүгүрүйэбит. Кинилэр Ийэ дойдубутун эрдээхтик көмүскээбиттэрэ, Кыайыы өрөгөйүн бүтүн аан дойдуга аҕалбыттара.Аҕа дойду Улуу сэриитин ыар тыынын билбэтэх ыал суох. Саха сирин олохтоохторо, оҕотуттан кырдьаҕаһыгар тиийэ, Кыайыы туһугар күүрээннээх үлэҕэ туруммуттара. Тыыл чулуу улэһиттэрэ уоттаах сэрии кыттыылаахтарын кытары Өрөгөйдөөх Кыайыыны чугаһатыыга сүдү кылааттара үйэҕэ умнуллубат-умуллубат. Кинилэр Эйэни, Көҥүлү турууласпыттара биһиэхэ күүстээх санаа, күргүөмнээх үлэ, сомоҕолоһуу холобурунан буолар. Бүтүн аан дойду историятын хаамыытын уларыппыт, киһи аймах дьылҕатыгар бүтүннүү дьайбыт Улуу Кыайыы суолтата намтаабат, дьон өйүгэр-санаатыгар ытык өйдөбүл буолан ыччаттан ыччакка бэриллэн иһэр.
Подробнее...
Ыам ыйын 8 күнүгэр, Н.Тарскай төрөөбүтэ 100 сылыгар улуус киинигэр Бороҕоҥҥо Н. Тарскай аатынан Спорт дыбарыаһын иннигэр кини пааматынньыгын арыллытын үөрүүлээх тэрээһинэ ыытылынна. СӨ Прваительствотын председателин солбуйааччы Местников С.В., Ил Түмэн депутата Васильев Г.А., улуус салалтата үөрүүлээх тэрээһиҥҥэ кыттыыны ылла. Биир дойдулаахтара, спорду сэҥээрээччилэр, кэнчээри ыччаттар бү күҥҥэ тоҕуоруһа муһуннулар.
Подробнее...
Н.Н. Тарскай үбүлүөйдээх 100 сылын бэлиэтиир күҥҥэ Дьокуускай куоракка кини аатынан "Туймаада" стадион иннигэр үөрүүлээх митинг күнүс 12 ч. ыытылынна. Манна республика салалтата, спорт Министерствота, спорду сэҥээрээччилэр, төрөппүт уола Александр Николаевич дьиэ кэргэнинээн, биир дойдулаахтара Уус Алданнар уонна Баатаҕайдар тоҕуоруһа муһуннулар. Үгүс үтүө тыл этилиннэ, инники соруктар туруорулуннулар. Стадион иннигэр турар бюһугар сибэкки дьөрбөтүн уурдулар.
Подробнее...
Николай Тарскай үбүлүөйдээх 100 сылынан улууспут нэһилиэктэригэр, оскуолаларыгар араас хабааннаах кылаас чаастара, библиотечнай уруоктар тэрилиннилэр. Манна сүҥкэн үлэни ыыттылар үөрэх управлениета, оскуола коллективтара уонна нэһилиэк библиотекалара.
Подробнее...
