Ыам ыйын 9 күнүгэр кэриэстиибит кыргыс толоонугар охтубуттары, олохторун толук уурбуттары, төрүт дойдуларыгар төннүбэтэхтэри. Кыайыы күнүгэр чиэстиибит өстөөҕү өһөрөн кыайбыттары, этэҥҥэ эргиллэн кэлбиттэри, хаарыан дьоннорун сүтэрэннэр харах уутунан сууммуттары.
Баатаҕай нэһилиэгэр бу күн нэһилиэк олохтоохторо, кыралыын-улаханнык тоҕуоруһа муһуннулар. Хорсун саллааттарбыт, кыайыыны уһансыбыт дьоммутугар сүгүрүйэн, махтанан "Өлбөт үйэлээх полканы" өрө тутан сэлэлээн хаамтыбыт.
Подробнее...
Улуу Кыайыы өрөгөйдөөх 77 сылын көрсө ыам ыйын 8 күнүгэр, Кыайыы болуоссатыгар Баатаҕайдааҕы "Сырдык Аартык" ыччат түмсүүтэ тэрийэн ыытар кэриэстэбил төлөнүгэр муһуннубут. Бу аахсыйа дойду үрдүнэн үтүө үгэскэ кубулуйан, Аҕа дойду сэриитигэр олохторун толук уурбут хорсун саллааттар, кыайыыны уһансыбыт тыыл дьонун ааттарыгар сүгүрүйэн, махтанан ыытыллар.
Подробнее...
Өрөгөйдөөх Улуу Кыайыы 77 сылын көрсө тургутукка кыттыҥ!
Тургутук түмүгэр туоһу сурук ыларгын умнума. Ситиһиилэри баҕарабыт.
9 Маай - Өрөгөйдөөх Улуу Кыайыы күнэ, эйэлээх олоҕу туруулаһан, кырыыстаах өстөөҕү кыдыйан, дьоруойдуу хорсуннук кыайбыт буойуннарга, кыа хааннаах кыргыстан хаалбакка кыайыыны үлэнэн уһансыбыт тыыл бэтэрээннэригэр, билигин тыыннаахтар - дьоллоох кэм кэрэһиттэрэ, өрөгөй үөрүүтүн көрсөр, сүдү дьоммут Албан ааттарыгар сүгүрүйэр улуу күммүт. Быйыл Улуу Кыайыы өрөгөйдөөх 77 сылын көрсө, М. К. Федорова аатынан Баатаҕайдааҕы библиотека бэлэмнээбит матырыйаалларын көрөргүтүгэр, туһанаргытыгар ыҥырабыт!
Подробнее...
