Сэтинньи 1 күнүгэр Баатаҕай нэһилиэгэр, улууспутугар бастакы норуодунай библиотека тэриллибитэ 100 сылынан, улуус киин библиотекатын директора Копырин ИД салайааччылаах библиотека үлэһиттэрэ ыалдьыттаатылар.
С. Ф. Сивцев аатынан "Түмэн" норуот айымньытын киинигэр "100 сыл кэрэни, сырдыгы саҕан" үөрүүлээх тэрээһин үгүс дьону түмтэ, кэнчээри ыччакка история кэрдиис кэмин сырдатта. Нэһилиэк олохтоохторо "Ааҕар балаҕантан саҕыллан куйаар ситимигэр" кинигэ быыстапкатын сэргии, сэҥээрэ иһиттилэр. Фойеҕа олохтоох библиотека историятын сырдатар хаартысканан, библиотека иһинэн үлэлиир "Эйгэ" түмсүү чилиэттэрин айар үлэлэрин, уус-уран оҥоһуктарын көрдөрөр быыстапка, оҕо эрдэхтэн сөбүлээн ааҕар саха суруйааччыларын бастыҥ айымньыларын ааттарынан фотозона турда, мустубут дьон сэҥээриитин ылла. Тэрээһини Н.Н. Тарскай аатынан Баатаҕай орто оскуолатын "Уолан" уолаттар кыра бөлөҕө төрөөбүт Баатаҕайдарын туһунан монтаж ааҕыытынан арыйдылар.
Подробнее...
Алтынньы 8 күнүгэр Баатаҕайдааҕы "Күнчээн" оҕо уһуйаанын орто, улахан бөлөх оҕолоругар ыалдьыттаатыбыт. Бу күн оҕолорго хоһооннордоох, сэрэхтээх буолуу, дьиэ, тыа харамайдарын билиһиннэрэр кинигэлэри көрдөрдүбүт. Сахабыт сиригэр соҕотох оҕо сурунаалыгар"Чуораанчыкка" тиһиллэр, кырыйан оҥоруу сыһыарыытынан сорудах биэрэн аралдьыттыбыт. Оҕолор илиилэрин иминэн умсугуйан туран сорудахтарын толордулар. Массыына, кутуйах, робот, чоппууска, сибиинньэ, слон оҥоһуктарын таһааран үөрүүлэрэ үксээтэ, астыннылар даҕаны.
Подробнее...
Алтынньы 5 күнэ - Учуутал күнэ. Бу күн Баатаҕай нэһилиэгэр сырдыкка-кэрэҕэ уһуйбут, үөрэх-билии акылаатын уурбут үөрэммит кыһабыт төрүттэммитэ 95 сылын бэлиэтээтибит. "Оскуола - оҕо саас биһигэ" диэн ааттаан үөрэммит кыһабытыгар аһаҕас аан күнэ тэрилиннэ. Бэлиэ күн сүрүн соруга - оскуолабыт 100 сыллаах үбүлүөйүгэр бэлэмнэнии, онно туһааннаах хайысхалары сөргүтүү диэн өйдөбүлүнэн ыытыллынна.
Подробнее...
Балаҕан ыйын 26 күнүгэр нэһилиэкпитигэр саамай тахсыылаах үлэлээх, үгүс ситиһиилэрдээх "Алгыс" аҕа көлүөнэ түмсүүтүн 18 сыл устата салайбыт Анна Петровна Бурнашева үлэтин түмүктүүр отчуоттуур киэһээтэ буолан ааста. Бу күн республикабыт, улууспут араас муннуктарыттан бьииргэ алтыспыт доҕотторо, үөлээннээхтэрэ, нэһилиэкпит дьоно-сэргэтэ муһунна.
Подробнее...
