Батагайская сельская библиотека - филиал №1 им. М.К. Федоровой

"Кыайыы кэриэһэ" выставканы оскуола уонна уһуйаан оҕолоро билистилэр

Олунньу 28 күнүгэр Н.Н. Тарскай аатынан Баатаҕай орто оскуолатын үөрэнээччилэрэ улуустааҕы көрүү-фестиваль чэрчитинэн турбут "Кыайыы кэриэһэ" быыстапканы билистилэр, көрдүлэр. Үөрэнээччилэр нэһилиэктэн хас киһи Аҕа дойду сэриитигэр кыттыбытын, олор истэриттэн хас киһи сэрии толоонуттан эргиллибитин, тыыл хорсун үлэһиттэрин туһунан кылгас иһитиннэриини иһиттилэр, альбомнары, кинигэлэри көрдүлэр.  Саллааттар сэрии толоонуттан дьонноругар ыыппыт суруктарын биһирээтилэр, ааҕан да көрдүлэр. Буойуттар Сивцев Василий Иванович сэрииттэн илдьэ кэлбит ньуоскутун, Готовцев Петр Игнатьевич саабылатын сорҕотун биһирии, кэрэхсии көрдүлэр. 

Подробнее...

"Уруйдуубут Улуу Кыайыыны!" улуустааҕы көрүү-фестиваль Баатаҕайга

Сылын аайы үгэскэ кубулуйбут улуус нэһилиэктэрин икки ардыларыгар ыытыллар көрүү-фестиваль быйыл Улуу Кыайыы 80, Россияҕа Аҕа дойдуну көмүскээччи, Саха Республикатыгар Ийэ дойдуну көмүскээччи сылларыгар туһуланан тэрилиннэ. Фестиваль икки бөлөҕүнэн ыытылынна. Кыра нэһилиэктэргэ барыта 9 нэһилиэк кыттыыны ылла. 

Подробнее...

Аҕа дойду көмүскэлигэр мин эһэм хорсун суола

Быйыл Кыайыы 80 сылыгар, Аҕа дойдуну көмүскээччилэрин күнүн чэрчитинэн олунньу 26 күнүгэр "Күнчээн" оҕо уһуйаанын бэлэмнэнии бөлөх иитиллээччилэрин икки ардыларыгар аҕа дойду көмүскэлигэр сылдьыбыт хорсун эһэлэрин туһунан билиһиннэрэр күрэх буолан ааста. Күрэххэ барыта 4 оҕо кыттыыны ылла, ол иһигэр 1 оҕо кэтэхтэн кытынна. Күрэх сүрүн сыала- оҕолор кэпсир дьоҕурдарын сайыннарыы. 

Подробнее...

Тургутукка кыттыҥ!

Баатаҕайдааҕы бибилэтиэкэ төрөөбүт тыл уонна сурук-бичик күнүгэр анаан ааҕааччыларыгар тургутук бэлэмнээтэ уонна төрөөбүт төрүт тылгытын төһө билэргитин бэрэбиэркэлэнэн көрөргүтүгэр ыҥырар.