 |
Батагайская сельская библиотека - филиал №1 им. М.К. Федоровой
|
 |
 |
|
12 декабря наша страна ежегодно отмечает один из самых важных государственных праздников – День Конституции РФ. Это памятная дата Российской Федерации. Конституция – это основной закон государства, он является символом силы и независимости нашей страны. Приглашаем вас поучаствовать в правовой онлайн-викторине, посвященной празднованию Дня Конституции Российской Федерации.
Саха Өрөспүүбүлүкэтигэр спортивнай хамсааһын тэриллибитэ 100 сылыгар бу дьыл ахсынньы ый 2-3 чыыһылаларыгар Баһылай Манчаары аатынан “Модун” национальнай көрүҥнэрин сайыннарар спорт киинигэр өрөспүүбүлүкэтээҕи тыа сирин ыччаттарыгар “Күөн күрэс” этнофестиваль тэриллэн ыытылынна. Фестиваль көҕүлээччилэрэ, “Модун” спортивнай киин үлэһиттэрэ анал бырайыак суруйаннар Ил Дархан Гранын кыайан, бэрт сэргэх уонна ураты түһүлгэни тэрийдилэр. Күрэх сүрүн сыала - саха омук өбүгэтин оонньууларын киэҥник тарҕатыыга, чөл олоҕу тутуһууга туһуланна.
Сэтинньи 25 күнэ - Олоҥхо күнэ. Бу күн чэрчитинэн нэһилиэккэ Олоҥхо декадатыгар олохтоох библиотека сэтинньи 22 күнүгэр уһуйаан оҕолоругар "Мин дойдум - Олоҥхо дойдута" диэн аралдьытыыны ыытта. Уһуйаан бэлэмнэнии бөлөҕүн оҕолоро хартыынан сахалыы саҥаҕа, Олоҥхо геройдарын, дойдуларын туһунан билистилэр, билиилэрин тургутан көрдүлэр. Аралдьытыы түмүгэр библиотекаҕа кэлбит саҥа кинигэлэри кытары билистилэр.
“Олоҥхо – былыргы саха олоҕун, айылҕаны,
киһи аймаҕы анаарар өйүн кэрэһилиир,
түҥ былыргытааҕы кэмин сырдатар айымньы.”
Платон Ойуунускай
Олоҥхо – норуот тылынан уус-уран айымньытын чыпчаала. Бухатыырдар охсуһууларын көрдөрөр героическай эпос. Саха олоҕу анаарыыта, историята, философията, өркөн өйө.Олоҥхо саха омук былыыр-былыргы дьыллар быыстарыттан сырдык уонна хараҥа, айыы уонна абааһы аймахтара утарыта турууларын, күрсүүлэрин туһунан уостан уоска бэриллэн кэлбит уус-уран айымньыта буолар. Олоҥхо киһи өркөн өйүн күүһүн күдэҕин кыаҕынан айыы аймаҕын күөмчүттэн көмүскүүр үрдүк аналын хоһуйар.
Олоҥхо уратыта – бөдөҥ айымньы, 30 тыһыынчаттан тахса строкалаах буолар. Фольклор бары жанрдара түмүллүбүт. Биир киһи өйүттэн айан ааҕар буолан, “Биир киһи театра” дииллэр. Баай хомоҕой, ойуулуур-дьүһүннүүр тыллаах.
